Тошкент шаҳар Чилонзор туманида амалга оширилаётган “Хавфсиз ҳудуд” халқаро ҳамкорлик лойиҳасини амалга ошириш бўйича ишлар

Бош прокуратура Академияси томонидан Тошкент шаҳар Чилонзор туманида “Хавфсиз, инклюзив ва барқарор жамиятларда шаҳар хавфсизлигини бошқариш” лойиҳасини амалга ошириш ишлари давом этмоқда.

Мазкур лойиҳа БМТ Гиёҳвандлик ва жиноятчилик бўйича бошқармаси ҳудудий ваколатхонаси билан ҳамкорликда амалга оширилмоқда. 

Мазкур фаолият доирасида Бош прокуратура Академиясида лойиҳага жалб этилган миллий экспертлар иштирокида навбатдаги ишчи учрашув бўлиб ўтди.

Учрашувда Чилонзор туманида жиноятларни башорат қилиш картасини ишлаб чиқиш хамда профилактика инспекторлари учун ўқув қўлланма тайёрлаш масалалари муҳокама қилинди.

Миллий экспертлар томонидан лойиҳа доирасида амалга оширилган ишлар юзасидан оралиқ хисоботлар берилди ва келгусидаги вазифалар муҳокама қилинди.