Халқ таълими тизими ходимлари учун коррупцияга қарши курашиш бўйича халқаро вебинар ўтказилди

Бош прокуратура Академияси томонидан А.Авлоний номидаги халқ таълими муаммоларини ўрганиш ва истиқболларини белгилаш илмий-тадқиқот институти билан имзоланган ўзаро ҳамкорлик тўғрисидаги меморандум ижроси доирасида халқ таълими соҳаси ходимлари учун “Таълим тизимида коррупцияга қарши курашиш” мавзусида халқаро онлайн вебинар ташкил этилди.

Тадбирда таълим соҳасида нуфузли халқаро эксперт Жон Тулли (АҚШ) иштирок этди.

Вебинарда Халқ таълими вазирлигининг бошқарма ва бўлим бошлиқлари, шунингдек 1000 нафардан ортиқ халқ таълими педагог ва раҳбар ходимлари иштирок этишди.

Тадбир давомида коррупцияга қарши курашиш соҳасидаги давлат сиёсатининг асосий йўналишлари, Халқ таълими тизимида коррупциявий ҳуқуқбузарликларнинг олдини олиш ва уларнинг салбий оқибатлари, шунингдек коррупцияга қарши курашиш соҳасидаги қонунчилик ижроси устидан жамоатчилик назоратини амалга ошириш масалалари атрофлича кўриб чиқилди.

Вебинар якунида Халқ таълими тизимида коррупцияга қарши курашиш ишларини самарали ташкил этиш юзасидан таклиф ва тавсиялар ишлаб чиқилди.

Мазкур йўналишда ўқув тадбирларининг тизимли равишда амалга оширилиши назарда тутилган.