Анонс

Бош прокуратура Академияси ва БМТ Гиёҳвандлик ва жиноятчилик бўйича бошқармаси ҳамкорлигида жорий йилнинг 3-4 декабрь кунлари: “Марказий Осиё ва Шарқий Европа давлатлари олий таълим муассасаларида коррупцияга қарши курашиш соҳасида таълим” мавзусида халқаро онлайн конференция ўтказилмоқда.

Мазкур тадбир “Одил судлов учун таълим” (E4J) Ташаббуси доирасидаги мулоқотлар туркумининг таркибий қисми сифатида ўтказилиб, дунё мамлакатларида коррупцияга қарши курашиш ўқув модулларини ишлаб чиқиш ҳамда тарғиб қилишга қаратилади. 

Конференцияда Марказий Осиё ва Шарқий Европа мамлакатлари академик доиралари вакиллари, шунингдек E4J Ташаббуси экспертлари ҳамда БМТ Гиёҳвандлик ва жиноятчилик бўйича бошқармасининг коррупцияга қарши курашиш академик Ташаббуси (ACAD) вакиллари иштирок этадилар.  

Конференция инглиз, ўзбек ва рус тилларида синхрон таржима воситасида олиб борилади.

Юқорида кўрсатилган тадбирда иштирок этишга таклиф этамиз. Маълумот учун  info@proacademy.uz электрон почта манзилига ёки 71-202-04-96 (ички 1777/1780) телефон рақами орқали мурожаат қилишингиз мумкин.