Давлат тест маркази билан ҳамкорликда тренинг ўтказилди

Бош прокуратура Академияси томонидан таълим сифатини доимий яхшилаб бориш мақсадида профессор-ўқитувчилар малакасини оширишга қаратилган тизимли ишлар амалга ошириб борилади.

Мазкур фаолият доирасида Академияда Ўзбекистон Республикаси Вазирлар Маҳкамаси ҳузуридаги Давлат тест маркази билан ҳамкорликда «Тест топшириқлари ва уларни яратиш шартлари» мавзусида тренинг ташкил этилди.

Тренинг Давлат тест маркази ҳузуридаги Илмий-ўқув амалий маркази бошлиғи А.А.Баратов ва Академиянинг профессор-ўқитувчилари иштирокида ўтказилди.

Мазкур тадбирда педагогик тестлар ва уларнинг асосий функциялари, тестларни ишлаб чиқишга қўйиладиган талаблар, тестларни ишлаб чиқиш ва уларни экспертизадан ўтказиш босқичлари, тест топшириқларини қийинлик даражаларига ажратиш бўйича жаҳон ва маҳаллий тажрибалар муҳокама қилинди.

Тренингда муҳокама қилинган масалалар прокуратура органлари ходимларининг билим ва кўникмаларини диагностикадан ўтказиш учун тест топшириқларини сифатли тайёрланишига хизмат қилади.