“Ҳалоллик вакцинаси”ни жорий этиш масалалари мавзусидаги халқаро семинар

Ҳар йилнинг 9 декабрь куни нишонланаётган Халқаро коррупцияга қарши курашиш куни муносабати билан ўтказилаётган коррупцияга қарши хафталиги доирасида Коррупцияга қарши курашиш агентлиги томонидан Бош прокуратура Академияси ва “Минтақавий мулоқот” халқаро нодавлат ташкилоти ҳамкорлигида “Ҳалоллик вакцинаси”ни жорий этиш масалалари” мавзусида халқаро семинар ташкил этилди.

Тадбирда Олий Мажлис Сенатининг Суд-ҳуқуқ масалалари ва коррупцияга қарши курашиш қўмитаси раиси Н.Умаров, Коррупцияга қарши курашиш агентлиги директори А.Бурханов, “Минтақавий мулоқот” ХНТ директори М.Север, АҚШ Давлат котиби ёрдамчиси ўринбосари Дж.Эндрюс, халқаро ташкилотлар, давлат органлари вакиллари ҳамда хорижий ва миллий экспертлар иштирок этди.

Семинарда давлат хизматида ҳалоллик стандарти, декларация қилиш ва манфаатлар тўқнашувини ҳал этиш тизимини жорий этишда самарали чораларни қабул қилиш масалалари муҳокама қилинди.

Халқаро тадбир иштирокчилари мамлакатда амалга оширилаётган коррупцияга қарши курашиш соҳасидаги ислоҳотларни эътироф этиб, давлат хизматида ҳалоллик асосларини мустаҳкамлаш бўйича таклиф ва тавсияларни билдиришди.