Россия Федерацияси прокуратураси университети билан давра суҳбати ўтказилди

2020 йилнинг 30 сентябрь куни «Прокуратура органлари фаолиятини рақамлаштириш» мавзусида видеоконференцалоқа шаклида давра суҳбати ўтказилди.

Мазкур семинар Бош прокуратура Академияси ҳамда Россия Федерацияси прокуратураси университети ўртасидаги 2020 йилга мўлжалланган ҳамкорлик бўйича тадбирлар режаси ижроси доирасида ташкиллаштирилди.

Семинар Россия Федерацияси прокуратураси университети ректори О.С.Капинус ва Бош прокуратура Академияси бошлиғи Е.В.Коленко ҳамраислигида видеоконференцалоқа форматида ўтказилди.

Иштирокчилар семинар доирасида ўзларининг ҳуқуқни мухофаза қилиш соҳасида замонавий ахборот-коммуникация технологияларини жорий қилиш йўналишидаги, шунингдек, таълим жараёнини рақамлаштиришдаги ютуқларини намойиш қилишди.

Семинар иштирокчилари асосий эътиборини замонавий таълим технологояларининг ривожланиш тенденцияларини ўрганишга қаратишди. Шу билан бирга, иштирокчилар ўзаро манфаатли йўналишлар бўйича тажриба алмашиш, ахборот хавфсизлигини таъминлаш каби стратегик масалаларни ҳам муҳокама қилишди.

Семинар якунида иштирокчилар томонидан фикрлар алмашинуви ҳамда қилинган маърузалар бўйича муҳокамалар бўлиб ўтди.