Халқ таълими тизими ходимлари учун ҳуқуқбузарликлар профилактикаси бўйича вебинар ўтказилди

Бош прокуратура Академияси томонидан А.Авлоний номидаги халқ таълими муаммоларини ўрганиш ва истиқболларини белгилаш илмий-тадқиқот институти билан имзоланган ўзаро ҳамкорлик тўғрисидаги меморандум ижроси доирасида халқ таълими соҳаси ходимлари учун “Ҳуқуқбузарликлар профилактикасининг таълимда тутган ўрни” мавзусида вебинар ташкил этилди.

Вебинарда Халқ таълими вазирлигининг ҳудудий бошқармалари, А.Авлоний номидаги илмий-тадқиқот институти раҳбарияти ҳамда 100 нафардан ортиқ умумтаълим мактаблари директор ва ўқитувчилари иштирок этишди.

Тадбир давомида вояга етмаганлар ўртасида назоратсизлик ва ҳуқуқбузарликларнинг профилактикасини амалга оширувчи органлар томонидан олиб борилаётган ишлар, таълим тизимида ҳуқуқбузарликлар профилактикаси борасида мавжуд муаммолар атрофлича кўриб чиқилди ҳамда уларнинг ечимлари юзасидан фикр алмашилди.

Вебинар якунида халқ таълими тизимида ҳуқуқбузарликлар профилактикаси бўйича ишларни самарали ташкил этиш юзасидан таклиф ва тавсиялар ишлаб чиқилди.

Мазкур йўналишда ўқув тадбирларининг тизимли равишда амалга оширилиши назарда тутилган.