БМТ Болалар жамғармаси (ЮНИСЕФ)нинг Ўзбекистондаги ваколатхонаси раҳбари билан учрашув бўлиб ўтди

2020 йил 15 декабрь куни Бош прокуратура Академияси раҳбари Е.Коленко БМТ Болалар жамғармаси (ЮНИСЕФ)нинг Ўзбекистондаги ваколатхонаси раҳбари М.Мамедзаде ҳамда жамғарма мутахассислари билан учрашди.

Учрашув давомида ваколатхона раҳбари Академия фаолияти йўналишлари билан танишди.

Томонлар болалар ҳамда ёшларнинг ҳуқуқ ва манфаатларини ҳимоя қилиш соҳасида икки томонлама ҳамкорлик лойиҳаларини амалга ошириш муҳим аҳамият касб этиши ҳамда яхши самара беришини таъкидладилар.

Учрашув жараёнида томонлар вояга етмаганлар ўртасида жиноятчиликнинг олдини олиш  масалалари юзасидан фикр алмашдилар.

Шунингдек, ижтимоий соҳада коррупцияга қарши курашиш ва коррупциянинг болаларга салбий таъсирининг олдини олиш борасида ҳамкорликни кенгайтириш масалалари муҳокама қилинди.

Учрашув якунида томонлар ўзаро манфаатли соҳаларда ҳамкорликни янада мустаҳкамлаш борасида навбатдаги чора-тадбирларни белгилаб олдилар.