Европа Иттифоқининг Ўзбекистондаги Делегацияси вакиллари билан учрашувда иштирок этилди

Бош прокуратура Академияси раҳбарияти ҳамда Бош прокуратура, Мажбурий ижро бюроси, Иқтисодий жиноятларга қарши курашиш департаментининг халқаро ҳамкорлик бўйича тармоқлари раҳбарлари Европа Иттифоқининг Ўзбекистондаги Делегацияси сектор раҳбари Франсуа Бежо билан видеоконференцалоқа орқали ўтказилган учрашувда иштирок этдилар.

Учрашув давомида томонлар ҳамкорликнинг устувор йўналишлари ва аниқ тадбирларини, шунингдек Ўзбекистонни Европа Иттифоқининг 2021–2027 йилларга мўлжалланган дастурига киритиш масалалари муҳокама қилдилар.

Учрашув якунида ўзаро манфаатли бўлган барча йўналишлардаги ҳамкорликни давом эттириш борасида келишиб олинди.