Европа Кенгашининг коррупцияга ва жиноий фаолиятдан олинган даромадларни легаллаштиришга қарши курашиш соҳасидаги стандартлари ва мониторинг механизмлари муҳокама қилинди

2020 йил 16 сентябрь куни Бош прокуратура Академияси томонидан Европа Кенгаши ва Европа Иттифоқининг “Марказий Осиё – қонун устуворлиги: шаффофликка кўмаклашиш ва иқтисодий жиноятларга қарши курашиш (СА ТАЕС UZ)” лойиҳаси доирасида “Европа Кенгашининг коррупцияга ва жиноий фаолиятдан олинган даромадларни легаллаштиришга қарши курашиш соҳасидаги стандартлари ва мониторинг механизмлари” мавзусида вебинар ўтказилди.

Ўзбекистон Республикасининг Коррупцияга қарши давлатлар гуруҳи (ГРЕКО) ва Европа Кенгашининг коррупцияга ва жиноий фаолиятдан олинган даромадларни легаллаштиришга қарши курашиш соҳасидаги конвенцияларида иштирок этиш масаласини ўрганиб чиқиш бир қанча дастурий ҳужжатларда назарда тутилган.

Шу боис, вебинар давомида Европа Кенгашининг коррупцияга ва жиноий фаолиятдан олинган даромадларни легаллаштиришга қарши курашиш соҳасидаги воситалари, ГРЕКОнинг мониторинг ўтказиш жараёни, мазкур механизмларга Европа Кенгашига аъзо бўлмаган мамлакатларнинг қўшилиши ва бошқа масалалар муҳокама қилинди.

Тадбирда Европа Кенгашининг Иқтисодий жиноятларга қарши курашиш бошқармаси раҳбари Мустафа Ферати, лойиҳа координатори Роман Шлапак, ГРЕКО гуруҳи ижрочи котиби Джанлука Эспозито, Варшава конвенцияси иштирокчилари бўлган давлатлар Конференция Бюроси аъзоси Ани Гоюнян (Арманистон), Ўзбекистон Республикаси Коррупцияга қарши курашиш агентлиги, Олий суди, ИИВ, ТИВ, Адлия вазирлиги, Бош прокуратура ва ДХХ Академияси вакиллари иштирок этди.