Академия профессор-ўқитувчилари педагогик маҳоратни ошириш

Бош прокуратура Академиясининг бир гуруҳ  профессор-ўқитувчилари ва ходимлари Немис Халқ Университетлари ассоциацияси (DVV International) Халқаро ҳамкорлик институтининг Ўзбекистондаги филиали ҳамда Олий ва ўрта махсус таълим вазирлиги ҳузуридаги Педагогик инновациялар, касб-ҳyнар таълими бошқарув хамда педагог кадрларни кайта тайёрлаш ва уларнинг малакасини ошириш институти билан ҳамкорликда ташкил этилган Curriculum globALE дастурининг “Катталар таълимига ёндашув” модули бўйича масофавий таълим курсини муваффақиятли якунладилар.

Курс давомида иштирокчилар катта ёшдагилар таълими (андрагогика)ни ташкил этишнинг замонавий методикалари ва технологиялари билан яқиндан танишиб, мазкур технологияларни ўқув жараёнига самарали татбиқ этиш кўникмаларига эга бўлдилар.

Тингловчилар томонидан андрагогика ва унинг анъанавий педагогика билан ўзаро боғлиқлик ва фарқли томонлари таҳлил қилинди, шунингдек катталар таълими соҳасида мавжуд илғор халқаро тажрибанинг Ўзбекистонда жорий этиш масалалари кўриб чиқилди.

Курс якунида тингловчиларга халқаро даражадаги сертификатлар тақдим этилди.