Академия Илмий кенгашининг навбатдаги мажлиси

Бош прокуратура Академияси Илмий кенгашининг навбатдаги мажлиси бўлиб ўтди.

Тасдиқланган кун тартибига кўра, Академия томонидан етакчи ташкилот сифатида фан доктори илмий даражасини олиш учун ёзилган диссертациялар муҳокамаси бўлиб ўтди.

Хусусан, Судьялар олий мактаби мустақил изланувчиси О.Сулаймановнинг “12.00.10 – Халқаро ҳуқуқ” ихтисослиги бўйича ёзилган “Суд ҳокимияти мустақиллигига оид халқаро-ҳуқуқий стандартларни имплементация қилишнинг ташкилий-ҳуқуқий масалалари” мавзусидаги ҳамда ТДЮУ мустақил изланувчиси Б.Мўминовнинг “12.00.09 – Жиноят процесси. Криминалистика, тезкор-қидирув ҳуқуқи ва суд экспертизаси” ихтисослиги бўйича ёзилган “Жиноят ишларини судга қадар юритиш устидан суд назорати” мавзусидаги докторлик диссертациялари муҳокама қилинди.

Академия профессор-ўқитувчиларидан иборат тақризчилар мазкур илмий тадқиқот ишлари хусусида ўзларининг айрим фикр-мулоҳазалари ва тавсияларини билдирдилар.

Кенгаш мажлисининг якунида Бош прокуратура Академияси профессор-ўқитувчилари ва ходимлари томонидан тайёрланган жиноят ҳуқуқи нормаларини қўллашнинг айрим масалалари, иқтисодий суд ишларини юритишда прокурор иштироки, активларни қайтаришда ижро ҳаракатларини амалга ошириш, нақд пулсиз ҳисоб-китобларни фуқаролик ҳуқуқий тартибга солиш, тадбиркорлик ҳуқуқи ва бошқа долзарб йўналишлардаги ўқув қўлланмалар ва монографиялар кўриб чиқилди ҳамда нашрга тавсия этилди.