“Янги Ўзбекистон: синовлардан зафарлар сари” мавзусида давра суҳбати бўлиб ўтди

2021 йил 4 январь куни Ўзбекистон Республикаси Президенти ҳузуридаги Давлат бошқаруви академияси ва Бош прокуратура Академияси томонидан бошқа давлат органлари ҳамда жамоат ташкилотлари билан ҳамкорликда Ўзбекистон Республикаси Президенти Шавкат Мирзиёевнинг Ўзбекистон Республикаси Олий Мажлиси ва халқига Мурожаатномасида кўтарилган масалаларни ўрганиш ва кенг тарғиб этишга бағишланган “Янги Ўзбекистон: синовлардан зафарлар сари” мавзусидаги давра суҳбати ташкил этилди.

Тадбирда Ўзбекистон Республикаси Президенти Администрацияси, Олий Мажлис Сенати аъзолари, Олий Мажлис Қонунчилик палатаси депутатлари, Иқтисодий тараққиёт ва камбағалликни қисқартириш вазирлиги, Маҳалла ва оилани қўллаб-қувватлаш вазирлиги, Давлат хизматини ривожлантириш, Коррупцияга қарши курашиш, Ёшлар ишлари бўйича агентликлари раҳбар кадрлари,  Савдо-саноат палатаси ходимлари, Давлат бошқаруви академияси, Бош прокуратура Академияси, ЖИДУ, ТДЮУ раҳбарлари, профессор-ўқитувчилари, докторантлар ва тадқиқотчилари, ОАВ вакиллари иштирок этдилар.

Бош прокуратура Академияси маркази бошлиғи ю.ф.д., профессор М.Мамасиддиқов “Суд-ҳуқуқ тизимини ислоҳ этиш ва коррупцияга қарши курашиш тизимини такомиллаштиришнинг устувор йўналишлари” мавзусида маъруза қилиб, Мурожаатномада акс этган масалаларни тўлақонли амалга ошириш ва ҳаётга татбиқ этиш бўйича академик ҳамжамият олдида турган устувор вазифалар борасида тўхталиб ўтди.

Тадбир якунида иштирокчилар Давлатимиз раҳбари томонидан илгари сурилган ташаббусларни сифатли ва тўлақонли амалга оширишга йўналтирилган илмий ва амалий тадқиқотларни амалга ошириш, таълим ва илмий-тадқиқот фаолиятини такомиллаштириш бўйича бир қатор таклифларни ишлаб чиқдилар.