Ўзбекистон халқаро ислом академияси билан ҳамкорлик давом этмоқда

Бош прокуратураси Академияси томонидан 2020 йил декабрь ойида Ўзбекистон халқаро ислом академияси ҳузуридаги Имом Мотуридий халқаро илмий-тадқиқот маркази ходимлари учун Ўзбекистон халқаро ислом академияси билан имзоланган ҳамкорлик тўғрисидаги шартнома ҳамда чора-тадбирлар режаси доирасида ташкил қилинган малака ошириш курси якунланди.

Ўқув курси доирасида марказ ходимларининг ҳуқуқий билимларини янада оширишга қаратилган махсус ишлаб чиқилган ўқув дастури асосида Академия мутахассислари томонидан замонавий педагогик ва ахборот-коммуникация технологияларни қўллаган ҳолда ўқув машғулотлари ўтказилди.

Курс якуни бўйича Имом Мотуридий халқаро илмий-тадқиқот маркази раҳбарияти томонидан Академияга китоблар жамланмаси тақдим этилди.

Бундай ўқув тадбирлари тизимли равишда ўтказилиши режалаштирилган.