Мустақил изланувчилар илмий фаолияти мониторингининг навбатдаги босқичи

2021 йилнинг 22 январь куни Бош прокуратура Академиясида илмий изланиш олиб бораётган мустақил изланувчиларнинг фаолияти самарадорлигини баҳолаш мақсадида навбатдаги йиллик мониторинг ўтказилди.

Мазкур тадбир Ўзбекистон Республикаси Президентининг 2017 йил 16 февралдаги “Олий ўқув юртидан кейинги таълим тизимини янада такомиллаштириш тўғрисида”ги ПФ–4958-сонли Фармони ҳамда Ўзбекистон Республикаси Вазирлар Маҳкамасининг 2017 йил 22 майдаги “Олий ўқув юртидан кейинги таълим тизимини янада такомиллаштириш тўғрисида”ги 304-сон қарорининг ижросини таъминлаш мақсадида ташкил этилди.

Мониторинг доирасида тадқиқотчиларнинг иш режалари асосида ўтган йил давомида амалга оширган фаолияти натижалари кўриб чиқилди. Жумладан, диссертация ишларининг бажарилиши, тўпламларда, миллий ва хорижий илмий журналларда мақолалар чоп этилиши ҳамда диссертация натижаларининг амалиётга жорий этилиши билан боғлиқ ҳисоботлари тингланди ва тегишлича баҳоланди.

Тажрибали олимлар ва мутахассислардан иборат мониторинг комиссияси аъзолари томонидан тадқиқотчиларга диссертация ишини сифатли бажариш, шахсий режаларни самарали амалга ошириш юзасидан муҳим йўналишлар ва маслаҳатлар берилди.