Иқтисодий судларда прокурор ваколатини таъминлаш масалалари мавзусида тренинг ўтказилди

Бош прокуратура Академияси томонидан Бухоро вилоят прокуратураси органлари ходимлари учун прокурор-тергов фаолиятининг турли йўналишлари бўйича ташкиллаштирилган электив масофавий малака ошириш курси доирасида “Иқтисодий судларда кўриладиган ишларнинг тоифалари, судловликка тааллуқлилик ва судловга тегишлилик масалалари” мавзусида синхрон ўқув машғулоти ўтказилди.

Flipped class технологияси элементларини қўллаш асосида ташкиллаштирилган тренинг давомида Академиянинг  ахборот-ўқув порталига аввалдан жойлаштирилган тегишли ўқув контентининг муҳокамаси юзасидан тингловчиларнинг билим ва кўникмаларини мустаҳкамлашга қаратилган интерфаол суҳбат ўтказилди.

Ўқув машғулотининг синхрон шакли тажрибали педагог раҳбарлигида аудитория тингловчилари орасида судлар фаолияти такомиллаштирилиши муносабати билан процессуал қонунчиликка киритилган янгиликларни қўллаш масалалари бўйича тажриба алмашишнинг самарали майдончаси шаклланишига ёрдам берди.

Электив масофавий малака ошириш курси доирасида тингловчилар асосий иш жойидан ажралмаган ҳолда ўқув-амалий материаллар, тақдимот материаллари, йўналишга доир норматив-ҳуқуқий ҳужжатлар билан танишдилар, ҳамда уларнинг кўникмаларини ривожлантиришга йўналтирилган тест топшириқлари, кейс-стади, муаммоли вазиятлар ҳамда казуслар ечиш каби амалий машғулотларда иштирок этдилар.