Эксперт-таҳлил гуруҳи аъзолари фаолиятини методик таъминлаш борасидаги сайёр фаолият

Бош прокуратура Академияси Жиноятларнинг содир этилиши сабабларини тизимли таҳлил қилиш ва ўрганиш маркази ходимлари томонидан Наманган вилоятида Ўзбекистон Республикаси Президентининг 2018 йил 31 октябрдаги ПФ–5566-сонли “Жиноий-ҳуқуқий статистика тизимини тубдан такомиллаштириш ва жиноятларни тизимли таҳлил қилиш самарадорлигини ошириш чора-тадбирлари тўғрисида”ги Фармони ижроси юзасидан амалга оширилган ишлар ўрганилди.

Мазкур тадбир доирасида Академия ходимлари томонидан Наманган шаҳридаги эксперт-таҳлил гуруҳ аъзолари билан бирга оғир тан жароҳати етказиш, ўғрилик ҳамда йўл-транспорт ҳодисалари билан боғлиқ жиноятларни таҳлил қилиш методикаси муҳокама қилинди.

Ўрганиш якунига кўра, жойлардаги туман (шаҳар) прокурорлари раҳбарлигида жамоатчилик асосида фаолият юритиб, жиноятчилик содир этилиши сабабларини тизимли таҳлилини амалга оширувчи эксперт-таҳлил гуруҳларининг фаолиятини самарали ташкил этиш ҳамда жиноятлар содир этилиши сабабларини тизимли таҳлил қилиш бўйича амалий ва услубий кўрсатмалар берилди.

Эксперт таҳлилий гуруҳлар фаолиятини услубий жиҳатдан таъминлаш ишлари тизимли тарзда давом эттирилади.