Идоралараро ҳамкорлик доирасида илмий семинар ташкил этилди

Ўзбекистон Республикаси Бош прокуратураси Академияси Тошкент давлат юридик университети, Судьялар олий мактаби, Миллий гвардия ҳарбий техник институти, Давлат хавфсизлик хизмати Академияси, Ички ишлар вазирлиги Академияси билан ҳамкорликда “Илмий тадқиқотлар олиб боришда “устоз – шогирд” анъанаси” мавзусида илмий семинар ташкиллаштирди.

Тадбирда мустақил изланувчилар, докторантлар ва илмга қизиқувчи талабалар иштирок этдилар.

Идоралараро семинар давомида унда илмий-тадқиқот ишларига қўйилган талаблар, суд ва ҳуқуқни қўллаш амалиётини такомиллаштиришдаги илмий-тадқиқотларнинг ўрни, юридик соҳада илмий-тадқиқотларни олиб боришдаги замонавий назарий қарашларнинг ўрни, шунингдек “устоз – шогирд” анъанасининг илмий тадқиқот фаолиятини амалга оширишидаги аҳамияти каби масалалар муҳокама қилинди.

Семинар баҳс-мунозараларга бой тарзда ўтиб, ёш олимлар ва талабалар ўзларини қизиқтирган саволларига жавоб олдилар.