Америка юристлар ассоциацияси билан ҳамкорликни ривожлантириш истиқболлари

Бош прокуратура Академиясида “Халқаро одил судлов соҳасида ўқитиш” (IJET) халқаро стипендиявий дастурида иштирок этган Академия ходимлари ва Америка юристлар ассоциацияси “Қонун устуворлиги ташаббуси” (ABA/ROLI) дастурининг мамлакатлар бўйича директори Аяз Баетов билан учрашув бўлиб ўтди.

Учрашув давомида стипендиявий дастур шартларига мувофиқ ишлаб чиқилган “Жиноят ва ҳуқуқбузарлик профилактикаси тизимини такомиллаштириш бўйича ислоҳотлар режаси”ни амалга оширишга доир масалалар муҳокама қилинди.

А.Баетов томонидан ҳуқуқни муҳофаза қилувчи органлар ходимларини ҳуқуқбузарликлар профилактикаси, ОАВ ва жамоатчилик билан алоқалар соҳасида ўқитишга оид лойиҳаларни ишлаб чиқиш ва амалга ошириш, Академия ходимларининг клиник юридик таълим соҳасидаги салоҳиятини ошириш ҳамда Академиянинг лойиҳалаш фаолиятини мустаҳкамлашда эксперт ёрдами кўрсатиш бўйича келгусидаги ҳамкорликни йўлга қўйиш борасида таклифлар билдирилди.