Россия ОТМ консорциуми вакиллари билан учрашув

Инсон ҳуқуқлари бўйича Ўзбекистон Республикасининг Миллий стратегиясида белгиланган вазифаларга мувофиқ, Бош прокуратура академияси, Инсон ҳуқуқлари бўйича Ўзбекистон Республикаси Миллий маркази, ТДЮУ, ЖИДУ «Инсон ҳуқуқларига оид халқаро ҳуқуқ» мутахассислиги бўйича қўшма магистратура йўналишини (консорциум) жорий қилиш устида тайёргарлик ишларини олиб бормоқда.

Шу муносабат билан, видеоанжуман орқали "Инсон ҳуқуқларини халқаро ҳимоя қилиш" қўшма магистрлик дастурини амалга оширувчи Россия университетлари консорциуми, БМТнинг Инсон ҳуқуқлари бўйича Олий Комиссарининг Марказий Осиёдаги минтақавий ваколатхонаси вакиллари билан Бош прокуратура Академияси, ТДЮУ, ЖИДУ ходимлари иштирокида учрашув бўлиб ўтди.

Тадбир иштирокчилари Консорциумнинг асосий мақсад ва вазифалари, таълим жараёнини ташкил этиш ва назорат қилиш тажрибаси, унинг мазмуни ҳамда идоралараро ўзаро ҳамкорлик масалаларини ҳал этиш, консорциум доирасида академик мобиллик, унинг халқаро ҳамкорлиги билан таништирилди.

Тадбир якунида томонлар ушбу йуналишда ҳамкорликни давом эттиришга келишиб олдилар.