АҚШда прокурорлик фаолиятини ташкил этиш ва жиноий одил судлов соҳасида ўқитиш

Магистратура ўқув дастури доирасида жорий йилнинг 17 мартидан Бош прокуратура Академиясида магистратура тингловчилари учун “АҚШ тажрибаси мисолида прокурорлик фаолиятини ташкил этиш ва жиноий одил судловнинг ўзига хос хусусиятлари” мавзусида ўқув модули йўлга қўйилди.

Мазкур ўқув курси “Минтақавий мулоқот” ХННТ (Словения) ва АҚШ Давлат департаментининг Гиёҳвандлик воситалари ва ҳуқуқни қўллаш бўйича бюроси билан давом этиб келаётган ўзаро ҳамкорлик доирасида ҳуқуқ соҳасидаги эксперт, АҚШ собиқ федерал прокурори Г.Уэддл томонидан масофавий шаклда олиб борилмоқда.

Ўқув курси дастури тингловчиларнинг қиёсий таҳлил ўтказиш кўникмаларини ривожлантиришга қаратилган бўлиб, курс давомида иштирокчилар АҚШ ва Ўзбекистон Республикасида прокурорлик хизмати фаолиятини ташкил этишга оид ахборот-таҳлилий ҳужжатларни тайёрлайдилар.