Диссертация иши доирасида сифатли социологик тадқиқотлар ўтказиш масалалари бўйича илмий семинар

Бош прокуратура Академиясида Швециянинг Лунд университети билан ҳамкорликда “Ўзбекистондаги этнографик ва дала тадқиқотлари: Марказий Осиё бизнес ҳуқуқи лойиҳаси мисолида услубий хулосалар” мавзусида онлайн илмий семинар ўтказилди.

Семинарда Ўзбекистон Республикаси Бош прокуратураси Академияси, Тошкент давлат юридик университети, Судьялар олий мактаби ҳамда Ички ишлар вазирлиги академияси докторант ва мустақил изланувчилари онлайн тартибида иштирок этди.

Лунд университети Ҳуқуқ социологияси кафедраси доценти Р.Уринбоев, Лунд университети лойиҳа тадқиқотчилари Т.Мустафоев, Б.Овесмурадов ҳамда Ч.Қиличовалар семинарда маъруза қилди.

Илмий салоҳиятни юксалтириш, илмий-тадқиқот фаолиятини жадаллаштиришга йўналтирилган навбатдаги семинар баҳс-мунозараларга бой тарзда ўтди. Илмий семинарда дала тадқиқотларини ва ижтимоий сўровларни амалга ошириш методлари, статистик маълумотлар тўплаш ва уларга ишлов бериш борасида фикр юритилди.