БМТ Гиёҳвандлик ва жиноятчилик бўйича бошқармаси вакиллари билан учрашув

Жорий йилнинг 16 апрель куни Бош прокуратура Академияси раҳбарияти ва БМТ ГЖБ штаб-квартираси терроризмни олдини олиш дастурининг мувофиқлаштирувчиси А.Лаурент, БМТ ГЖБ дастурининг халқаро мувофиқлаштирувчиси Ю.Қурбонов ҳамда БМТ ГЖБ нинг Марказий Осиёдаги минтақавий бошқармасининг мониторинг ва баҳолаш бўйича мутахассиси У.Носировлар ўртасида видеоконференция шаклида учрашув бўлиб ўтди.

Учрашувда терроризмга қарши курашда аъзо давлатларнинг жиноий одил судлов тизими самарадорлигини оширишга қаратилган БМТ Хавфсизлик Кенгашининг 2396-сонли (2017) резолюциясини амалга оширишда Марказий Осиё давлатларини қўллаб-қувватлаш ташаббуси доирасида ҳамкорлик истиқболлари муҳокама қилинди.