Махсус имтиҳон топширувчилар учун эълон

Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2021 йил 31 мартдаги 295/4-сон қарори билан Ўзбекистон Республикаси Бош прокуратураси Академиясига 2021 йилнинг май ойи сессиясидан бошлаб “Давлат ва жамият қурилиши тизимини такомиллаштириш, қонун устуворлиги, иқтисодиётни ривожлантириш ва либераллаштириш ҳамда ижтимоий ривожланишнинг илмий асослари ва амалий йўналишлари” фанидан махсус имтиҳонни қабул қилиш ҳуқуқи берилди.

Махсус имтиҳон топширувчилар 2021 йил 15 майга қадар Ўзбекистон Республикаси Бош прокуратураси Академиясига мурожаат қилишлари мумкин.

Махсус имтиҳон бўйича ҳужжатлар фақат электрон ҳужжат айланиш тизими орқали қабул қилинишини, шунингдек бошқа шаҳарлик изланувчилардан имтиҳонлар онлайн шаклда қабул қилинишини маълум қиламиз.