Иқтисодий жиноятларга қарши курашиш департаменти ходимлари учун малака ошириш курси якунланди

Бош прокуратура Академиясида Иқтисодий жиноятларга қарши курашиш департаментининг туман (шаҳар) бўлимлари бошлиқлари учун малака ошириш курси ниҳоясига етди. 

Малака ошириш курси давомийлиги 144 соатдан иборат бўлиб, тингловчилар 6 ҳафта давомида ишдан ажралмаган ҳолда масофавий таълим, 2 ҳафта давомида эса Академияда кундузги таълим шаклида ўқитишни назарда тутган аралаш таълим шаклида ташкил этилди.

Ўқув курси дастуридан иқтисодий жиноятлар ва коррупцион қилмишларни фош этиш, терговга қадар текширув, суриштирув ва тезкор-қидирув фаолиятини амалга ошириш, жиноий фаолиятдан олинган даромадларни легаллаштириш, бюджет маблағларини талон-тарож қилиш, солиқ, валюта ва қурилиш соҳасида содир этилаётган иқтисодий жиноятларга қарши курашиш масалалари бўйича назарий ва амалий машғулотлар ўрин олган. 

Ўқув машғулотларига Академия профессор-ўқитувчилари билан бир қаторда Департамент, Давлат солиқ қўмитаси, Ҳисоб палатаси, Марказий банк, республика вазирлик ва идораларининг тажрибали мутахассислари жалб қилинган.

Ўқув машғулотлари интерактив шаклда ташкил этилиб, бу тингловчиларнинг ўз фаолиятлари билан боғлиқ долзарб масала ва муаммоларни муҳокама қилиш ҳамда уларнинг ечимига оид ўзаро тажриба алмашиш имконини берди.