Қайта тайёрлаш ва малака ошириш факультети Ўзбекистон Республикаси Ҳуқуқни муҳофаза қилиш академиясининг таркибий тузилмаси ҳисобланиб, бевосита қайта тайёрлаш ва малака ошириш фаолиятини амалга оширади.

Факультетнинг асосий вазифалари:

қайта тайёрлаш ва малака ошириш жараёнини режалаштириш, ташкил этиш ҳамда назорат қилиш, ўқув-услубий жиҳатдан таъминлаш, ушбу жараёнга илғор педагогик ва инновацион технологияларни кенг жалб қилиб бориш ишларини мувофиқлаштириш;

тингловчилар фаолиятини мувофиқлаштириш ва тизимли мониторингини олиб бориш, ўқитишнинг сифат даражасини ҳамда унинг самарадорлигини таҳлил қилиш бориш, тингловчиларининг касбий билим ва зарурий амалий кўникмаларни ривожлантиришга қаратилган тизимли тадбирларни амалга ошириш;

ваколатли давлат органлари ҳамда прокуратура органлари ходимларида тизимли таҳлил ва танқидий фикрлашни, қонунийликни таъминлаш юзасидан адолат ва масъулият каби юксак туйғуларни шакллантириш ва мустаҳкамлашга йўналтирилган қайта тайёрлаш ва малака оширишнинг яхлит тизимини ташкил этилишини таъминлаш.

Касбий қайта тайёрлаш ва малака ошириш қуйидаги дастурлар бўйича амалга оширилади:

биринчи маротаба ваколатли давлат органларига хизматга қабул қилиниб, суриштирувчи ёки терговчи лавозимларига тайинланган ҳамда прокуратура органларига илк бор хизматга қабул қилинган ходимлар учун   

давомийлиги 576 соатдан кам бўлмаган мажбурий бирламчи ихтисослашув шаклида касбий қайта тайёрлаш курслари;

прокуратура органларида раҳбарлик лавозимларини эгаллаш мақсадида захирада турган кадрлар учун – давомийлиги 576 соатдан кам бўлмаган раҳбар кадрларни касбий қайта тайёрлаш курслари;

суриштирувчи ёки терговчи лавозимларига тайинлаш мақсадида ваколатли давлат органлари ходимлари учун – давомийлиги 288 соатдан кам бўлмаган касбий қайта тайёрлаш курслари;

ваколатли давлат органларининг суриштирув ва тергов тузилмалари ходимлари, шунингдек, прокуратура органлари барча бўғинлари ходимлари учун (ҳар уч йилда камида бир маротаба) – давомийлиги 144 соатдан кам бўлмаган малака ошириш курслари;

коррупцияга ҳамда жиноий даромадларни легаллаштиришга қарши курашиш соҳаларида махсус ўқув дастурлари асосида давлат органлари ва бошқа ташкилотлар ходимларининг учун  малака ошириш ва қайта тайёрлаш курслари.

Хидоятуллаев Алишер Тоирович
		Ўзбекистон Республикаси Ҳуқуқни муҳофаза қилиш академияси Қайта тайёрлаш ва малака ошириш факультети бошлиғи, юридик фанлар бўйича фалсафа доктори (PhD) “Аккредитивни фуқаролик ҳуқуқий тартибга солиш масалалари” мавзусида юридик фанлар бўйича фалсафа доктори (PhD) илмий даражасини олиш учун докторлик ишини ёқлаган. 30 дан ортиқ илмий мақолалар ҳамда бир қатор илмий-амалий қўлланмалар муаллифи.   Email: a.hidoyatullaev@proacademy.uz

Отажанов Бобур Абдуллаевич
		Қайта тайёрлаш ва малака ошириш факультети катта прокурори, юридик фанлар бўйича фалсафа доктори (PhD) “12.00.04 – Фуқаролик процессуал ҳуқуқи. Иқтисодий процессуал ҳуқуқи. Ҳакамлик жараёни ва медиация” ихтисослиги бўйича юридик фанлар бўйича фалсафа доктори илмий даражасини олиш учун “Иқтисодий суд ишларини юритишда прокурор иштирокини такомиллаштириш масалалари” мавзусида докторлик (PhD) диссертациясини ҳимоя қилган. Email: b.a.otajanov@proacademy.uz