Ўзбекистон Республикаси Ҳуқуқни муҳофаза қилиш академиясининг Юридик бўлими Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида” ги ПФ–257-сон Фармонига мувофиқ ташкил этилган.

Бўлимнинг асосий вазифалари:

Академия фаолиятини ҳуқуқий жиҳатдан таъминлаш ҳамда сифатли ва малакали юридик ёрдам кўрсатиш;

Академиянинг мулкий ҳамда бошқа ҳуқуқ ва қонуний манфаатлари ўз вақтида, ҳар томонлама ва самарали ҳимоя қилинишини таъминлаш;

Академияда қабул қилинадиган ҳужжатлар лойиҳаларидаги коррупциявий омилларни бартараф этишга кўмаклашиш.

Дўстқориев Музаффар Бойбўтаевич
		Ўзбекистон Республикаси Ҳуқуқни муҳофаза қилиш академиясининг Юридик бўлим бошлиғи М.Б.Дўстқориев ҳаммуаллифликда прокуратура органлари ходимлари учун “Прокуратура органларида давлат тилида иш юритиш ва “Давлат тили ҳақида”ги қонун ижроси устидан назоратни ташкил этиш” мавзусидаги электив курсини тайёрлаган.

Шунингдек, “Давлат тилида иш юритиш”, “Прокуратура органларининг жамоатчилик ва оммавий ахборот воситалари билан алоқалари” номли ўқув-амалий қўлланмалар, “Фуқаролик процессида одил судловни амалга оширишга кўмаклашувчи шахслар иштирокининг процессуал хусусиятлари” номли монография, “Экология ва атроф-муҳитни муҳофаза қилишга оид қонун ҳужжатлари ижроси устидан прокурор назорати”, “Вояга етмаганлар ҳақидаги қонунчилик ижроси устидан прокурор назоратини ташкил этиш” номли услубий қўлланмалар, “АҚШ ва Ўзбекистонда прокуратура органлари” номли ўқув қўлланмаси тайёрланган.

Ҳуқуқнинг долзарб масалалари юзасидан ташкил этилган бир қатор миллий ва халқаро тадбирлар ҳамда лойиҳаларда фаол иштирок этиб, “Марказий Осиёда ҳуқуқ: Марказий Осиёда ҳуқуқий маданиятлар ва бизнес муҳити” номли қўшма халқаро лойиҳа доирасида тадқиқот олиб бормоқда.

Шунингдек, у жиноят ва ҳуқуқбузарликлар профилактикаси, коррупцияга қарши курашиш, лойиҳа бошқаруви асослари, катталар таълимини ташкил этиш каби йўналишларда миллий ва халқаро миқёсда ташкил этилган бир қатор ўқув курслари ва дастурларини муваффақиятли тамомлаган.