Тил ўргатиш кафедраси Ўзбекистон Республикаси Бош прокуратураси Академиясининг таркибий тармоғи ҳисобланади.
Кафедра ўз фаолиятини Ўзбекистон Республикасининг “Прокуратура тўғрисида”ги Қонуни ва бошқа қонун ҳужжатлари, Ўзбекистон Республикаси прокуратураси органлари ва муассасаларида хизматни ўташ тўғрисидаги Низом, Бош прокуратуранинг ҳайъати қарорлари, Бош прокурор ва Академия бошлиғи буйруқлари, мазкур Низом талаблари асосида амалга оширади. Кафедра Ўзбекистон Президентининг 2018 йил 8 майдаги “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида”ги ПФ-5438-сон Фармони асосида ташкил этилган.
Кафедранинг асосий вазифалари:
- модуллар бўйича ўқув-амалий машғулотларни илмий-амалий тажрибага таянган ҳолда сифатли ўтказиш чорасини кўриб бориш;
- ўқув модуллари бўйича дастурлар тузиш, машғулотларни уларга мос равишда ўтказилишини таъминлаш;
- ўқув модуллари бўйича тингловчилар томонидан мустақил (факультатив) ишлар бажарилиши устидан назоратни амалга ошириш ва уларни баҳолаш;
- кафедранинг ҳар олти ойга мўлжалланган ва истиқболли иш режаларини ишлаб чиқиш;
- кафедра фаолияти юзасидан Илмий кенгашга ҳисобот тақдим этиш;
- тил ўрганишни тарғиб қилиш, бу борада тадбирларда иштирок этиш;
- тингловчиларнинг малакасини ва касб маҳоратини оширишда фаол иштирок этиш мақсадида раҳбар кадрларни қайта тайёрлаш ҳамда ходимларнинг малакасини ошириш ўқув курслари бўйича тайёрланган дастурлар асосида маърузалар, амалий машғулотларни олиб бориш;
- масофавий таълим доирасида тингловчиларнинг чет тилини ўзлаштирганлик даражасини мониторинг тизимини, чет тилини ўқитишнинг узвийлиги назорат қилиш механизмларини ишлаб чиқиш ҳамда масофавий таълим самарадорлигини янада оширишга қаратилган услубий тавсиялар ишлаб чиқиш ва уларни фаолиятга йўналтириш;
- замонавий педагогик ва ахборот-коммуникация технологияларини, масофавий таълимни, ўқитиш ва тренингларни интерфаол ҳамда муаммоли-вазиятли услубларини кенг жорий этиш;
- идоралараро ва халқаро ҳамкорликни амалга ошириш ва мувофиқлаштириб бориш;
- кафедранинг стратегик режаларини ишлаб чиқиш ва амалга оширилишини назорат қилиб бориш;
- амалга оширилган ишлар тўғрисида Академия раҳбариятига мунтазам равишда ахборот бериб бориш;
- Академия ва бошқа муассасалар томонидан ташкил этилган давра суҳбатлари, тренинглар, семинарлар ҳамда конференцияларда иштирок этиш;
- тингловчиларни илмий-тадқиқот олиб боришга ва уларни давра суҳбатлари, семинарлар, конференцияларда иштирок этишга жалб этиш;
- модуллар бўйича дарсликлар, ўқув қўлланмалари, амалий машғулотлар ва машқлар тўпламлари, методик тавсиялар, монографияларни тайёрлаш ва чоп этиш бўйича таклифлар ишлаб чиқиш;
- қонунчиликни ва прокуратура органлари фаолиятини такомиллаштиришга доир таклифлар ишлаб чиқишда иштирок этиш;
- касб маҳорати, илмий савиясини ошириш ва билимларини чуқурлаштириш асосида илмий тадқиқотлар олиб бориш.