Иқтисодий жиноятларга ва жиноий даромадларни легаллаштиришга қарши курашишни ташкил этиш кафедраси Академиянинг таркибий тузилмаси ҳисобланади.
Кафедранинг асосий вазифалари прокуратура органлари кадрларини тайёрлаш, қайта тайёрлаш, уларнинг малакасини ошириш ва магистратура дастурлари бўйича иқтисодий жиноятларга қарши курашиш ва давлатнинг иқтисодий хавфсизлигини таъминлаш, суриштирув, тезкор-қидирув фаолиятини ташкил этиш, жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашишнинг долзарб масалаларини қамраб олувчи мавзулар (йўналиш) бўйича ўқув-услубий, ўқув-амалий, илмий-тадқиқот ишларини амалга оширади.
Кафедра томонидан соҳага оид энг илғор тажрибадан самарали фойдаланиш, назария ва амалиёт уйғунлигини таъминлаш мақсадида хорижий ва миллий тузилмалар, шу жумладан Жиноий даромадларни легаллаштириш ва терроризмни молиялаштиришга қарши курашиш бўйича Халқаро тармоқ институти, Иқтисодий жиноятларга қарши курашиш департаменти, ҳуқуқни муҳофаза қилувчи органлар, давлат молиявий назорат органлари ҳамда бошқа таълим ва илмий-тадқиқот муассасалари билан ҳамкорлик қилинади.
Кафедра фаолиятига кафедра бошлиғи раҳбарлик қилади.
Кафедрада профессор-ўқитувчилар, иш юритувчи фаолият кўрсатади.