Ўзбекистон Республикаси Президентининг “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида” 2022 йил 28 ноябрдаги ПФ–257-сонли Фармони билан кафедра ташкил этилган.

2023 йил январь ойидан бошлаб Ўзбекистон Республикаси Ҳуқуқни муҳофаза қилиш академияси бакалавр таълим йўналишлари ва магистратура ихтисосликлари, қайта тайёрлаш ва малака ошириш тизимига кирувчи курсларда талабалар ва тингловчиларга профессор-ўқитувчилар дарс бериб келмоқда.

Кафедра фаолият йўналишлари:

- ўқув ишлари ва таълимни ташкил этишда – илғор инновацион метод ҳамда технологияларини қўллаш орқали бакалавр таълим йўналишлари ва магистратура ихтисосликлари бўйича юқори малакали, илмий-таҳлилий мулоҳаза юрита оладиган, белгиланган назарий ва амалий вазифаларни бажариш имкониятига эга мутахассисларни тайёрлашга йўналтирилган ўқув ишларини ташкил этиш;

- илмий-методик ишлар соҳасида – ўқув жараёнининг илмий-методик асосларини ишлаб чиқиш ва мунтазам такомиллаштириб бориш, профессор-ўқитувчилар, тингловчилар ва талабаларни ўқув-услубий материаллар билан таъминлаш, кафедра масъул бўлган модуллар мазмунидан келиб чиққан ҳолда замонавий, хорижий ва маҳаллий илмий адабиётлар ва тажрибалар асосидаги илмий-методик материаллар тайёрлаш;

- илмий-тадқиқот ишлари соҳасида – мамлакатда амалга оширилаётган сиёсий-иқтисодий, ижтимоий-маданий ислоҳотларнинг устувор вазифаларидан келиб чиқиб, жаҳон тажрибаси ва халқаро стандартларни ҳисобга олган ҳолда долзарб мавзуларда илмий-тадқиқот ишларини бажариш ҳамда уларнинг натижаларини амалиётга татбиқ этилишини таъминлаш;

- ташкилий-методик ишлар соҳасида – ўзаро назоратлар асосида таълим сифатини таҳлил этиш ва баҳолаш, шунингдек, бошқа ташкилий-методик тадбирларни самарали ташкил этишни таъминлаш;

- маънавий-ахлоқий ва тарбиявий ишлар соҳасида – талаба ёшларни жамият, Ватанга муҳаббат, бурч-масъулият ва садоқат руҳида тарбиялаш, ижтимоий фаоллиги ва ташаббускорлигини ошириш, миллий ва маънавий қадриятларимизга ҳурмат руҳида тарбиялаш, мустақил фикрловчи эркин шахсни шакллантириш, интеллектуал, жисмоний ва ахлоқий жиҳатдан камол топишига кўмаклашиш, фаол фуқаролик позициясини шакллантириш, деструктив ғоялар ва бузғунчи оқимларга қарши мафкуравий иммунитетини шакллантиришни устувор вазифа сифатида белгилаш.

Кафедра профессор-ўқитувчилари томонидан бакалавриат ва магистратура босқичида қуйидаги ўқув курслари ўтилади:

- Ўзбекистоннинг энг янги тарихи;

- Диншунослик. Диний ақидапасрастлик, экстремизм ва терроризмга қарши курашишнинг маънавий-маърифий асослари;

- Касбий ва нутқ маданияти;

- Социология;

- Мантиқ;

- Маънавият асослари;

- Этика ва эстетика;

- Ҳуқуқ фалсафаси;

- Сиёсатшунослик;

- Илмий тадқиқотлар методологияси;

- Махсус фанларни ўқитиш методикаси;

- Ҳуқуқ социологияси.

Қайта тайёрлаш ва малака ошириш курслари учун “Суриштирув  ва тергов органлари ходимларининг касб этикаси”, “Мантиқ”, “Касбий ва нутқ маданияти”, “Прокурор риторикаси”, “Прокурор нутқи” ва “Касб этикаси” каби модуллар доирасида ўқув машғулотлари олиб борилади.

Аминжонова Матлуба Ахмедовна
		Кафедра бошлиғи, адлия катта маслаҳатчиси, юридик фанлар доктори (DSс),  профессор. “Суғурта шартномасида тарафларнинг мажбурияти ва жавобгарлиги масалалари” мавзусидаги докторлик (DSс) диссертациясини ҳимоя қилган.  Email: m.a.aminjonova@proacademy.uz

Германия (2009 йил), Франция (2015 йил), Жанубий Корея (2025 йил)да суд-ҳуқуқ ислоҳотлари юзасидан малака оширган. Фуқаролик ҳуқуқи, Фуқаролик процессуал ҳуқуқи, Хўжалик ҳуқуқи, Оила ҳуқуқи, Тадбиркорлик ҳуқуқи, Меҳнат ҳуқуқи, прокурор назорати, Инсон ҳуқуқлари соҳаларининг мутахассиси ҳисобланади.

150 дан ортиқ ўқув-услубий ва илмий нашрлар эълон қилган, жумладан, 3 та дарслик (ҳаммуаллифликда), 4 та ўқув қўлланма, 1 та ўқув-услубий қўлланма, 1 та услубий қўлланма (ҳаммуаллифликда) 3 та монография, 1 та амалий қўлланмалар нашр қилинган.

Академия ҳузуридаги илмий даражалар берувчи DSc.31/31.12.2020. Yu.67.01 рақамли илмий кенгаш раиси сифатида илм-фанни ривожлантириш борасида ўзининг ҳиссасини қўшиб келмоқда.

2012 йилда Ўзбекистон Республикаси Президентининг Фармонига асосан “Шуҳрат” медали билан тақдирланган.

“Ўзбекистон Республикаси мустақиллигининг 25 йиллиги”, “Ўзбекистон Республикаси прокуратурасининг 25 йиллиги”,

“Ўзбекистон Республикаси прокуратурасининг 30 йиллиги” кўкрак нишонлари билан тақдирланган.

Акрамов Хусан Фуркатович
		Кафедра доценти, 2 даражали юрист с.ф.ф.д. (PhD), доцент. “Социал капитал аҳоли турмуш сифатини оширишнинг омили сифатида” мавзусида социология фанлари бўйича илмий даража олиш учун PhD диссертациясини 2021 йил декабрь ойида  ҳимоя қилган.  “Имом Ал Бухорий хадислари ислом рационализмининг маданий капитали сифатидаги контент таҳлили” мавзусидаги социология фанлари доктори (DSc) илмий даражасини олиш учун диссертация иши устида иш олиб бормоқда. Email: x.f.akramov@proacademy.uz

Ҳаммуаллифликда социология таълим йўналишлари учун “Социология”, ҳуқуқшунослик (тергов фаолияти) таълим йўналиши учун “Социология” дарсликларини шунингдек барча таълим йўналишлари учун “Ташкилотлар социологияси”, “Дин социологияси” ўқув қўлланмалари, “Социологик тадқиқотларнинг методологияси, методи ва техникаси” услубий қўлланмаларини чоп эттирган.

Холикулова Хулкар Юлдашевна
		Кафедра доценти, 3 даражали юрист, т.ф.ф.д.(PhD). 07.00.01 – Ўзбекистон тарихи ихтисослиги асосида “Ўзбекистонда имконияти чекланган шахсларни ҳимоя қилиш сиёсати (1991–2018 йй.)” мавзусида тарих фанлари бўйича фалсафа доктори диссертациясини ҳимоя қилган. Email: x.y.xolikulova@proacademy.uz

150 га яқин илмий ишлар: 120 та мақола, шу жумладан, хорижий нашрларда – 20 та, Scopus базасидаги журналда 1 та; 3 та дарслик, 1 та рисола, 3 та ўқув қўлланма,  1 та монография чоп эттирган.

Камилов Даврон Зафарович
		Кафедра доценти, адлия маслаҳатчиси, ф.ф.ф.д. (PhD), доцент. “Секулярлашув жараёнининг ижтимоий-фалсафий таҳлили” мавзусида фалсафа фанлари бўйича илмий даража олиш учун PhD диссертациясини 2021 йил июль ойида муваффақиятли ҳимоя қилган. Email: d.z.kamilov@proacademy.uz

“DVV international” ҳалқаро немис университетлар ассоциацияси ҳалқаро доирадаги тренер сертификатига эга.

40 га яқин илмий ишлар муаллифи, 35 та мақола, шу жумладан 8 таси хорижий нашрларда, 3 та ўқув қўлланма, ҳаммуаллифликда 1 та монография чоп эттирган.

Ҳуқуқшунослик (тергов фаолияти) таълим йўналиши учун “Диншунослик. Диний ақидапарастлик, экстремизм ва терроризмга қарши курашнинг маънавий-маърифий асослари” дарслиги, ҳаммуаллифликда барча таълим йўналишлари учун “Диншунослик” номли ўқув қўлланмаларини чоп эттирган.

Менглиқулов Умид Мамадиевич
		Кафедраси доценти, 2 даражали юрист, ф.ф.ф.д. (PhD), доцент. “Сурхон воҳаси этномаданияти (генезиси, хусусиятлари ва ривожланиш тенденциялари)” мавзусида PhD диссертациясини ҳимоя қилган.  “Ўзбек миллий идентиклигини сақлаш ва ривожлантиришда Сурхондарё этномаданиятининг ўрни” мавзусидаги диссертация иши олиб бормоқда. Email: u.m.mengliqulov@proacademy.uz

У.Менглиқулов Мирзо Улуғбек номидаги Ўзбекистон Миллий университети хузуридаги илмий даражалар берувчи DSc.03/30.12.2019.F.01.05 рақамли Илмий Кенгаш қошидаги Илмий семинар котиби.

50 та мақола, шулардан 3 таси Scopus ва Web of Scienc базаларига тегишли бўлган журналларда, 5 таси хорижий нашрларда, 2 та ўқув-услубий қўлланма, 1 та монография чоп эттирган.

Абдуазимова Зарина Амировна
		Кафедра катта ўқитувчиси, 3 даражали юрист, ф.ф.ф.д.(PhD), доцент. 09.00.02 – Онг маданият ва амалиёт шакллари фалсафаси –ихтисослиги асосида “Глобаллашув жараёнида экологик ахлоқни шакиллантиришда концептуал ёндашув” мавзусидаги диссертацияни ҳимоя қилган. Email: z.a.abduazimova@proacademy.uz

115 та мақола, шулардан 10 таси хорижий нашрларда, ҳаммуаллифликда 1 та ўқув-услубий қўлланма, 1 та ўқув қўлланма, 1 та ўқув-амалий қўлланма, 1та монография чоп эттирган.

Холиярова Маҳбуба Сотторовна
		Кафедра катта ўқитувчиси, 3 даражали юрист. "Замонавий давлат хизматчисининг маънавий қиёфасини ва уни такомиллаштириш истиқболлари” мавзусида тадқиқот олиб бормоқда. Email: m.s.xoliyarova@proacademy.uz

25 мақола, шулардан 5 таси хорижий нашрларда, ҳаммуаллифликда 1 та дарслик, ҳаммуаллифликда 1 та ўқув қўлланма, якка муаллифликда 1 та ўқув қўлланма, ҳаммуаллифликда 1 та ўқув-услубий қўлланма чоп эттирган.

Алимов Сардор Комил ўғли
		Кафедра ўқитувчиси, ф.ф.ф.д. (PhD), доцент. “Аҳоли миграцияси ижтимоий-ахлоқий муҳит трансформацияси омили сифатида” мавзусида фалсафа фанлари бўйича фалсафа доктори (PhD) диссертациясини ҳимоя қилган. Email: s.k.alimov@proacademy.uz

37 мақола, шулардан 1 таси Scopus базасига тегишли бўлган журналда, 4 таси хорижий нашрларда, 1 та ўқув қўлланма, 4 та ўқув-услубий қўлланма ва илмий рисолалар чоп эттирган.