БМТнинг Коррупцияга қарши конвенцияси имплементацияси бўйича обзор гуруҳи йиғилишида иштирок этилди

       Академия вакили БМТнинг Коррупцияга қарши конвенцияси имплементацияси бўйича обзор гуруҳининг халқаро ҳамкорлик, активларни ундириш ва техник ёрдам масалалари бўйича ўн иккинчи сессияси ялпи йиғилишида иштирок этди.

      Тадбир давомида иштирокчиларга Бирлашган Миллатлар Ташкилотининг Коррупцияга қарши конвенцияси ва ФАТФ стандартлари Ўзбекистон Республикаси қонунчилигига киритилишининг айрим жиҳатлари борасида маълумот берилди.

      Хусусан, банк сирини ташкил этувчи маълумотларни олиш ва алмашиш тартибини такомиллаштиришга, ваколатли органларга  ҳисобларнинг мавжудлиги тўғрисида маълумотлар олиш бўйича автоматлаштирилган киришни таъминлашга қаратилган Ўзбекистон Республикасининг “Банк сири тўғрисида” Қонунига киритилган ўзгартиришлар борасида тўхталиб ўтилди. Бундан ташқари, Бош прокуратура ва бошқа органларнинг параллел молиявий текширув ўтказиш масалаларини тартибга солувчи қўшма кўрсатмасининг қоидалари кщриб чиқилди.

     Шунингдек, Жаҳон банки ва БМТнинг гиёҳвандлик ва жиноятчилик бўйича бошқармасининг StAR қўшма ташаббуси доирасидаги ўзаро ҳамкорлик,  шу жумладан юқорида айтиб ўтилган ҳужжат лойиҳаларини тайёрлашда кўрсатилган эксперт ва техник кўмаги алоҳида файд этиб ўтилди.