Виктимлаштириш қўшма лойиҳаси доирасида навбатдаги ишчи учрашув бўлиб ўтди

     “Фарғона водийсида ёшлар ижтимоий уйғунлик учун” лойиҳаси доирасида Бош прокуратура Академияси, БМТнинг Гиёҳванд моддалар ва жиноятчилик бўйича бошқармасининг Минтақавий ваколатхонаси вакиллари, миллий мутахассислар, шунингдек, мазкур лойиҳани амалга оширувчи аутсорсинг компанияси вакиллари билан учрашув бўлиб ўтди.

     Учрашув давомида аутсорсинг компанияси вакиллари томонидан бундай тадқиқот лойиҳаларини амалга ошириш бўйича компания тажрибаси, методлари ва механизмлари тақдимоти ўтказилди. Миллий экспертлар томонидан Европа ва МДҲ мамлакатларида бундай лойиҳаларни амалга оширишнинг ижобий тажрибасини таҳлил қилиш асосида тадқиқотни муваффақиятли ўтказиш бўйича бир қатор тавсия ва таклифлар илгари сурилди.