Бош прокуратура Академияси таянч докторантурасига қабул эълон қилинади

           Ўзбекистон Республикаси Бош прокуратураси Академияси “12.00.07 – Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура”, "12.00.09 - Жиноят процесси. Криминалистика, тезкор-қидирув ҳуқуқи ва суд экспертизаси" ва “12.00.12 – Коррупция муаммолари (юридик фанлар)” ихтисосликлари бўйича таянч докторантурага қабул эълон қилади.

         Фалсафа доктори (PhD) илмий даражасини олиш учун таянч докторантурага кирувчи шахслар қуйидаги талабларга жавоб бериши лозим:

             - магистр даражасига, олий маълумот тўғрисидаги диплом (мутахассислик дастурлари бўйича) эга бўлганлар;

             - фалсафа доктори (PhD) илмий даражасини олиш учун диссертация тадқиқоти асосини ташкил қилиши мумкин бўлган илмий натижалар, шу жумладан илмий журналларда чоп этилган камида битта мақола ҳамда тегишли йўналишлар бўйича иккитадан кам бўлмаган илмий ишлар тўпламларига киритилган маъруза тезисларига эга бўлганлар.

        Таянч докторантурада ўқишга талабгорлар Бош прокуратура Академиясига қуйидаги ҳужжатларни тақдим этадилар:

              - ариза;

              - қисқача биографик маълумотнома;

              - меҳнат дафтарчасининг белгиланган тартибда тасдиқланган нусхаси (ишлаётган талабгорлар учун);

              - олий таълим муассасаси магистратураси дипломи, олий маълумот (мутахассислик дастурлари бўйича) тўғрисидаги диплом нусхаси;

              - нашр этилган илмий ишлар рўйхати, шунингдек уларнинг нусхалари.

       Ўзбекистон Республикаси Президенти Давлат стипендияси соҳиблари тегишли ҳужжат нусхасини тақдим этадилар.

       Ҳужжатлар Бош прокуратура Академияси қабул комиссияси томонидан жорий йил 15 сентябрдан 15 октябргача бўлган даврда қабул қилинади.

      Эслатма: Талабгорлар учун танловда иштирок этиш талаблари ва топшириладиган ҳужжатлар рўйхати Вазирлар Маҳкамасининг 2017 йил 22 майдаги 304-сонли қарори билан тасдиқланган Олий ўқув юртидан кейинги таълим тўғрисидаги низомда батафсил кўрсатилган.

     Таянч докторантурада ўқишга кирувчи талабгорлар Ўзбекистон Республикаси Инновацион ривожланиш вазирлигининг phd.mininnovation.uz сайтида ҳужжатларини рўйхатдан ўтказишлари талаб этилади.