Европа Кенгаши ва Европа Иттифоқи вакиллари билан келгусидаги ҳамкорлик тадбирлари муҳокама қилинди

       Бош прокуратура Академияси вакилларининг Европа Кенгаши ва Европа Иттифоқи томонидан амалга оширилаётган “Марказий Осиё – қонун устуворлиги: шаффофликка кўмаклашиш ва иқтисодий жиноятларга қарши курашиш (СА ТАЕС UZ)” лойиҳаси доирасида лойиҳа бошқарувчилари билан видеоконференцалоқа воситасида учрашуви бўлиб ўтди.

      Тадбирда лойиҳа менежерлари, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Коррупцияга қарши курашиш агентлиги, Бош прокуратура ҳузуридаги Иқтисодий жиноятларга қарши курашиш департаменти ва Академия вакиллари иштирок этди.

      Учрашув давомида лойиҳа иштирокчилари дастурнинг янги менежери Димо Гроздев билан таништирилди, иштирокчиларнинг режалаштирилган тадбирлар самарадорлигини ошириш бўйича таклифлари, коррупция ва жиноий даромадларни легаллаштиришга қарши курашиш бўйича таклиф қилинган тадбирларни амалга оширишнинг кейинги босқичлари муҳокама қилинди.