Лунд университети вакиллари Бош прокуратура Академиясида малака оширмоқда

Бош прокуратура Академияси Лунд университети (Швеция) Ҳуқуқ социологияси департаменти  томонидан мувофиқлаштирилаётган “Марказий Осиё ҳуқуқи: Марказий Осиёда ҳуқуқий маданият ва ишбилармонлик муҳити” қўшма лойиҳасини амалга оширишда давом этмоқда.

Лойиҳа доирасида Ҳуқуқ социологияси департаменти лойиҳа менеджери Карло Николи Альдини ва иккинчи курс магистратура талабаси Джан Лука Траверсо ҳозирги кунда Академияда малака оширмоқдалар.

Меҳмонлар Академия профессор-ўқитувчилари кўмагида ҳуқуқий маданият ва ҳуқуқий онг ҳамда ҳуқуқбузарликларнинг олдини олиш соҳасида олти ой давомида тадқиқотларни олиб борадилар.

Амалиёт давомида италиялик мутахассислар томонидан Академия магистратураси талабалари учун бир қатор ўқув-машғулотлари ҳам олиб борилади.