Ўқитувчи ва мураббийлар кунига бағишланган тантанали тадбир

Бош прокуратура Aкадемиясида 1 октябрь – Ўқитувчи ва мураббийлар кунига бағишланган тантанали тадбир бўлиб ўтди.

Тадбирда Бош прокуратура раҳбарияти ва ходимлари, прокуратура органлари фахрийлари, Aкадемиянинг профессор-ўқитувчилари ва докторантлари иштирок этишди.

Тадбирни Ўзбекистон Республикаси Бош прокурори ўринбосари С.Б.Ортиқова кириш сўзи билан очиб, Ўқитувчи ва мураббийлар куни муносабати билан прокурор-тергов кадрларини тайёрлашга катта ҳисса қўшган мураббийлар, прокуратура органлари фахрийлари, шунингдек, Aкадемия жамоасини табриклади.

Байрам тадбири давомида Aкадемиянинг прокуратура органлари ходимларини тайёрлаш, қайта тайёрлаш, малакасини ва илмий-тадқиқот салоҳиятини ошириш борасидаги алоҳида ютуқлари, шунингдек, таълим ва илм-фан соҳасида муваффақиятли амалиётлар ва илғор хорижий тажрибани жорий этиш бўйича натижалари қайд этилди.

Ўқитувчи ва мураббийлар куни муносабати билан Ўзбекистон Республикаси Бош прокурорининг Буйруғига асосан Академиянинг бир гуруҳ ходимлари “Фидойи мураббий” кўкрак нишони билан тақдирланди.