Коррупцияга қарши курашиш Тошкент вилояти ҳудудий кенгаши йиғилишида иштирок этилди

Жорий йилнинг 30 сентябрь куни Тошкент вилоятининг Нурафшон шаҳрида Коррупцияга қарши курашиш Тошкент вилояти ҳудудий кенгашининг биринчи таъсис йиғилиши бўлиб ўтди.

Ҳудудий кенгаш йиғилишида Бош прокуратура Академияси ва Коррупцияга қарши курашиш агентлиги раҳбарияти иштирок этди.

Йиғилиш иштирокчилари Ҳудудий кенгаши таркиби ва унинг фаолиятини ташкил этиш масалалари билан таништирилди.

Коррупцияга қарши курашиш миллий кенгаши раиси Т.Нарбаева томонидан 2020 йил 30 декабрь куни тасдиқланган топшириққа асосан Бош прокуратура Академиясига Коррупцияга қарши курашиш Тошкент вилояти ҳудудий кенгаши фаолияти самарадорлигини ошириш ва мониторингини олиб бориш вазифалари юклатилган.

Йиғилиш иштирокчилари Академия раҳбариятининг Ҳудудий кенгашнинг коррупцияга қарши курашиш соҳасидаги иш самарадорлигини ошириш, вилоятда “Коррупциясиз ҳудуд” ва ундаги ташкилот ва муассасаларда “Коррупциясиз соҳа” лойиҳаларини жорий этиш мақсадида доимий фаолият кўрсатувчи эксперт-таҳлилий штаби тузиш, Академия салоҳиятидан услубий майдонча сифатида фойдаланиш каби ташаббус ва таклифлари қўллаб-қувватланди.