Виктимлаштиришни тадқиқ этиш бўйича қўшма лойиҳани амалга ошириш давом этмоқда

“Фарғона водийсида ёшлар ижтимоий уйғунлик учун” лойиҳаси доирасида Бош прокуратура Академияси, БМТнинг Гиёҳванд моддалар ва жиноятчилик бўйича бошқармасининг Минтақавий ваколатхонаси вакиллари, шунингдек, халқаро ва хорижий экспертлар иштирокида видеоконференцалоқа воситасида учрашув бўлиб ўтди.

Тилбург университетининг виктимология бўйича мутахассиси профессор Ян Ван Дейк ва эксперт Джон Ван Кестеринглар иштирокида бўлиб ўтган учрашувда, улар томонидан аҳоли ўртасида сўров ўтказиш  методикаси муҳокама қилинди. Миллий экспертлар томонидан Фарғона водийсининг ўзига хос хусусиятларини инобатга олган ҳолда сўровни ўтказиш бўйича таклифлар киритилди.

Лойиҳани амалга ошириш учун танлаб олинган аутсорсинг кампанияси вакиллари эса ўз навбатида мазкур турдаги сўровларни ўтказиш бўйича ўз тажрибалари тўғрисида гапириб беришди.