“Юридик соҳада давлат тилининг ўрни ва аҳамияти” танловининг янги босқичи

Ўзбекистон Реcпубликаси Бош прокуратурасида ходимларнинг нутқ маданиятини ошириш ҳамда давлат тилида иш юритишга оид амалий кўникмаларини ривожлантиришга қаратилган “Юридик соҳада давлат тилининг ўрни ва аҳамияти” мавзусидаги танлов ташкил этилди.

Танлов учта йўналиш: эсселар танлови, билимдонлик танлови ҳамда шеърхонлик танловидан иборат бўлиб, мазкур йўналишларнинг ҳар бири дастлабки саралаш босқичи ва якуний босқичларни ўз ичига олган.

Якуний босқич натижаларига кўра, танлов ғолиблари ҳамда алоҳида номинациялар соҳибларини пул мукофоти, диплом ва бошқа рағбатлантириш воситалари билан тақдирлаш назарда тутилган.

2021 йил 15-16 октябрь кунлари Бош прократура Академиясида танловнинг “Шеърхонлик” йўналишидаги 2-босқичи бўлиб ўтди. Ушбу босқичда Қорақалпоғистон Республикаси, Тошкент шаҳри ва вилоятларда ташкил этилган 1-босқичнинг 1-3 ўрин ғолиблари якуний беллашувда иштирок этди.

Танлов иштирокчиларининг иқтидорини баҳолаш  ёзувчи, олим, адабиётшунослар, Олий Мажлис Қонунчилик палатаси ҳамда прокуратура органлари раҳбар ва ходимларидан иборат жюри томонидан баҳоланади.

Танлов тадбирларини ўтказишда асосий мезонлар сифатида уларнинг юқори савияда ташкил этилиши, шунингдек холислик ва шаффофликка алоҳида эътибор қаратилди.