Магистратура тингловчилари учун хорижлик эксперт иштирокида тренинг бўлиб ўтди

Бош прокуратура Академиясида тегишли соҳаларда катта тажрибага эга бўлган хорижий мутахассислар тизимли асосда жалб қилиб келинмоқда.

Хусусан, “Марказий осиё ҳуқуқи: Марказиё осиёдаги ҳуқуқий маданият ва бизнес иқлими” қўшма лойиҳаси доирасида Латвия университети доценти, юридик фанлар доктори И.Калнина Академиянинг ўқув жараёнларига жалб этилди.

И.Калнина томонидан бевосита Академия тингловичлари учун иқтисодий ривожланишнинг ҳуқуқий асослари, экспорт фаолиятининг доираси, хавфлар ва уларни бартараф этиш усуллари бўйича ўқув-машғулотлари олиб борилмоқда.

Машғулотларда мамлакатимизда экспорт салоҳиятини ошириш бўйича амалга оширилаётган ишлар натижаларини чуқур таҳлил қилиш билан бирга, мавжуд муаммоларнинг ҳуқуқий ва иқтисодий ечимлари борасида тегишли тушунтиришлар бериб келинмоқда. 

Таъкидлаш жоизки, бу каби машғулотлар тингловчиларнинг таҳлилий қобилиятини ошириш, муаммоларнинг ноодатий ва самарали ечимларини топиш борасидаги кўникмаларини шакллантиришда бевосита аҳамият касб этмоқда.