Ўзбек тили байрами куни нишонланди

Академик мобиллик Академия фаолиятининг устувор йўналишларидан бири бўлиб, ходимларнинг етакчи хорижий таълим муассасаларида таълим олиш ва стажировка ўташлари тизимли тарзда ташкил этилган.

Бугунги кунда Академиянинг бир гуруҳ ходимлари ва тадқиқотчилари АҚШ, Швеция, Япония ва дунёнинг бошқа мамлакатларида малака ошириб келмоқда. Академия вакиллари ўқув ва илмий дастурларни амалга ошириш билан бирга, хорижий ҳамкасбларни ўзбек халқининг тарихи, маданияти ва анъаналари билан яқиндан таништириш мақсадида турли маданий-маърифий тадбирлар ўтказмоқда.

Жумладан, Академия вакиллари томонидан Ўзбек тили байрами куни муносабати билан Лунд университети, Нагойя университети ҳамда Флорида халқаро университетида тадбирлар уюштирилиб, улар давомида ўзбек тилида шеърхонлик челленджи ташкил этилди.

Барча қитъалардаги турли миллат ва элатларнинг вакиллари ўзбек тилининг гўзаллиги ва бойлигини намойиш қилган шеърхонлик тадбирида иштирок этдилар (видеоролик).