O‘zbek tili bayrami kuni nishonlandi

Akademik mobillik Akademiya faoliyatining ustuvor yo‘nalishlaridan biri bo‘lib, xodimlarning yetakchi xorijiy ta’lim muassasalarida ta’lim olish va stajirovka o‘tashlari tizimli tarzda tashkil etilgan.
Bugungi kunda Akademiyaning bir guruh xodimlari va tadqiqotchilari AQSH, Shvetsiya, Yaponiya va dunyoning boshqa mamlakatlarida malaka oshirib kelmoqda. Akademiya vakillari o‘quv va ilmiy dasturlarni amalga oshirish bilan birga, xorijiy hamkasblarni o‘zbek xalqining tarixi, madaniyati va an’analari bilan yaqindan tanishtirish maqsadida turli madaniy-ma’rifiy tadbirlar o‘tkazmoqda.
Jumladan, Akademiya vakillari tomonidan O‘zbek tili bayrami kuni munosabati bilan Lund universiteti, Nagoyya universiteti hamda Florida xalqaro universitetida tadbirlar uyushtirilib, ular davomida o‘zbek tilida she’rxonlik chellendji tashkil etildi.
Barcha qit’alardagi turli millat va elatlarning vakillari o‘zbek tilining go‘zalligi va boyligini namoyish qilgan she’rxonlik tadbirida ishtirok etdilar (videorolik).