Академияда илмий унвон олиш учун навбатдаги махсус имтиҳон бўлиб ўтди

Ўзбекистон Республикаси Бош прокуратураси Академиясида 2021 йил 29 октябрь куни профессор ва доцент илмий унвонини олиш учун “Давлат ва жамият қурилиши тизимини такомиллаштириш, қонун устуворлиги, иқтисодиётни ривожлантириш ва либераллаштириш ҳамда ижтимоий ривожланишнинг илмий асослари ва амалий йўналишлари” фанидан имтиҳон бўлиб ўтди.

Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2021 йил 31 мартдаги 295/4-сон қарори асосида Бош прокуратура Академиясига мазкур фан бўйича махсус имтиҳон ўтказиш ҳуқуқи берилган.

Имтиҳон давлат ва жамият қурилиши, таълим ва фан, ҳуқуқни қўллаш ва иқтисод соҳаларида улкан илмий ва амалий тажрибага эга бўлган олимлар ва экспертлардан иборат комиссия томонидан ўтказилди.

Имтиҳон жараёнида талабгорларнинг Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалга ошириш юзасидан билим ва тажрибалари синовдан ўтказилди.

Имтиҳонни муваффақиятли топширган талабгорларга белгиланган намунадаги сертификатлар тақдим этилди.