АҚШ Халқаро тараққиёт агентлиги (USAID) вакиллари билан учрашув

2021 йилнинг 5 ноябрь куни Академия раҳбариятининг АҚШ Халқаро тараққиёт агентлигининг (USAID) Ўзбекистонда суд-ҳуқуқ ислоҳотлари лойиҳаси директори Р.Назарова, юристлар малакасини ошириш бўйича мутахассис М.Мукимова ва олий ва касб-ҳунар таълими соҳасидаги эксперт, профессор Б.Бауманлар билан учрашуви бўлиб ўтди.

USAID ҳуқуқий ислоҳотлар бўйича дастурининг чора-тадбирлар режасини амалга ошириш доирасида томонлар Академиянинг таълим сифатини ошириш тизимини такомиллаштириш билан боғлиқ масалаларни муҳокама қилдилар. Меҳмонларга Академия фаолияти, жумладан, магистратура мутахассисликлари бўйича кадрлар тайёрлаш ҳақида маълумот берилди.

Учрашув якунларига кўра томонлар ҳамкорликни ривожлантиришни давом эттиришга тайёрлигини билдирди.