Тренингларни самарали ўтказиш бўйича халқаро малака ошириш курсида иштирок этилди

Академия вакиллари Интерпол кўмагида C.A.S.Е. (Марказий Осиёда хавфсизлик бўйича электрон таълим) лойиҳаси доирасида ташкил этилган “Самарали тренинг ўтказиш” мавзусидаги курсда иштирок этмоқда.

Мазкур курс тан олинган халқаро таълим стандартлари асосида ўтказилиб, Интерпол ўқув тадбирларида олинган техник билимларни ўқитиш ва тарқатиш кўникмаларини ривожлантиришга қаратилган. Курс дастури бир қатор онлайн вебинарлардан иборат.

Курс ўқув дастурларини ишлаб чиқиш ва амалга оширишда малака оширишга манфаатдор Марказий Осиё мамлакатлари ҳуқуқни муҳофаза қилувчи органлари ходимлари, полиция тергов бўлинмалари ва таълим муассасалари учун мўлжалланган.