“Ҳуқуқни муҳофаза қилиш органлари тизимида психология” мавзусида илмий-амалий конфренция бўлиб ўтди

Ўзбекистон Республикаси Бош прокуратураси Академиясида 2021 йил 19 ноябрь куни “Ҳуқуқни муҳофаза қилиш органлари тизимида психология” мавзусида илмий-амалий конференция бўлиб ўтди.

Конференция ишида Ўзбекистон Республикаси Халқ таълими вазирлиги, Судьялар олий мактаби, Жамоат хавфсизлиги университети, ДХХ академияси, ИИВ Академияси, ДБҚ Божхона институти, Ўзбекистон Миллий университети, М.В.Ломоносов номли Москва давлат университети вакиллари иштирок этди.

Тадбирнинг ялпи мажлисида республикада кўзга кўринган психолог ва ҳуқуқшунос олимлар ҳуқуқни муҳофаза қилиш тизимининг долзарб масалалар бўйича ўзларининг назарий ва амалий ечимларини тақдим этдилар. Шунингдек видеоконференцалоқа орқали М.В.Ломоносов номли Москва давлат университети олимлари тақдимотларида ўз тажрибалари  билан бўлишдилар.

Конференция иши ҳуқуқни муҳофаза қилиш йўналишларида олиб бораётган илмий изланишларга асосланган ҳолда ташкил этилган шўъбаларда давом эттирилди. Ҳар бир шўъбада қўриб чиқилган масалалар муҳокамаларга сабаб бўлди. Хусусан, ҳуқуқни муҳофаза қилиш соҳаларига кадрларни танлаш ва баҳолашнинг психологик асослалари, хуқуқбузарликларни профилактика қилишда психологик билимларга таяниш зарурати, бўлинмалар, мутахассисларнинг касбий компетенциялари ва соҳаларда психолог фаолиятини ташкил этишнинг муҳим масалалари бўйича мунозаралари олиб борилди.

Конференция ва шўъбалар фаолияти ижодий муҳитда ўтди. Иштирокчилар ҳуқуқни муҳофаза қилиш соҳасида психологик фаолиятни янада самарали тарзда давом эттириш учун тавсиялар ишлаб чиқилди. Шунингдек, ушбу тавсияларни ҳаётга тадбиқ этиш бўйча чора-тадбирлар режаси тузиб олинди.  

Илмий-амалий конфренция материаллари нашр этилиши режалаштирилган.