АҚШ Ўрмон хизмати ва АҚШ Давлат департаментининг Наркотик моддалар ва ҳуқуқни муҳофаза қилиш идораси (INL) вакиллари билан учрашув

Бош прокуратура Aкадемиясида Америка ўрмон хизмати лойиҳа менежери С. Манн, АҚШ Давлат департаментининг Гиёҳванд моддалар ва ҳуқуқни муҳофаза қилиш масалалари бўйича (INL) Тошкентдаги бюроси директори Д. Андерсон ва INL дастурлари ёрдамчиси Ф. Қаюмхўжаевлар билан учрашув бўлиб ўтди.

Меҳмонлар Академиянинг тузилмаси ва фаолият йўналишлари, кадрларни тайёрлаш, қайта тайёрлаш ва малакасини ошириш тизими билан таништирилди. Прокуратура ва бошқа ҳуқуқни муҳофаза қилувчи органлар ходимларининг атроф-муҳитни муҳофаза қилиш ва экология соҳасидаги салоҳиятини ошириш масалаларига алоҳида тўхталиб ўтилди.

Конструктив руҳда ўтган учрашув якунлари бўйича ўзаро манфаатли соҳаларда ҳамкорликни мустаҳкамлаш бўйича кейинги қадамлар белгиланди.