Академия таянч докторантурасига кириш имтиҳонлари бўлиб ўтмоқда 

Бош прокуратура Академияси таянч докторантурасида ўқишга талабгорлар учун ихтисослик бўйича кириш имтиҳони бўлиб ўтди.

Имтиҳон Ўзбекистон Республикаси Вазирлар Маҳкамасининг 2017 йил 22 майдаги “Олий ўқув юртидан кейинги таълим тизимини янада такомиллаштириш чора-тадбирлари тўғрисида”ги 304-сон қарори билан тасдиқланган Олий ўқув юртидан кейинги таълим тўғрисидаги Низом талабларига тўлиқ амал қилинган ҳолда ўтказилди.

Кириш имтиҳони Инсон ҳуқуқлари бўйича Ўзбекистон Республикаси Миллий маркази, Тошкент давлат юридик университети, Судьялар олий кенгаши ҳузуридаги Судьялар олий мактаби вакиллари ҳамда Бош прокуратура Академиясининг профессор-ўқитувчиларидан иборат комиссия томонидан ўтказилди.

Имтиҳон комиссияси томонидан таянч докторантурада ўқишга талабгорларнинг илмий тадқиқот олиб бориш услубиёти борасидаги билимлари, шунингдек танқидий фикрлаш ва илмий муаммони назарий таҳлил қила олиш кўникмаларига алоҳида эътибор қаратилди.