Прокуратура органлари терговчилари ва Иқтисодий жиноятларга қарши курашиш департаменти ходимлари малакасини ошириш курси якунланди

Бош прокуратура Академиясида туман (шаҳар) прокуратуралари терговчилари ҳамда Бош прокуратура ҳузуридаги Иқтисодий жиноятларга қарши курашиш департаментининг туман (шаҳар) бўлимлари тезкор ходимлари учун малака ошириш курслари ташкил этилди.

Ўқув курси дастури доирасида жиноий фаолиятдан олинган даромадларни легаллаштириш ва терроризмни молиялаштиришга қарши курашиш борасидаги халқаро стандартлар, халқаро ва миллий тизим, жиноий фаолиятдан  олинган даромадларни легаллаштиришга қарши курашишни ташкил этиш, жиноий фаолиятнинг молиявий жиҳатларини текшириш, криптовалюталар билан боғлиқ ҳуқуқбузарликларни фош этиш, иқтисодий ҳамда коррупцияга оид жиноятларни тергов қилиш, терговга қадар текширув, суриштирув ва тезкор-қидирув фаолиятини амалга ошириш, тезкор-қидирув фаолиятини олиб бориш, иқтисодий жиноятларга қарши курашишда департамент органлари билан ҳамкорлик ўрнатиш бўйича назарий ва амалий машғулотлар ўтказилди.

Ўқув тадбирларига Академия профессор-ўқитувчилари билан бир қаторда Департамент, Лойиҳа бошқаруви миллий агентлиги ва бошқа органлар тажрибали мутахассислари, Қозоғистон Республикаси прокуратураси ҳузуридаги Ҳуқуқни муҳофаза қилувчи органлар Академияси илмий ходимлари ҳамда халқаро экспертлар жалб қилинди.

Ўқув машғулотлари интерактив шаклда ўтказилди, тингловчилар ўз фаолиятлари билан боғлиқ долзарб масала ва муаммоларни муҳокама қилиб, уларнинг ечимига оид ўзаро тажриба алмашишди.