Академия томонидан масофавий ўқитиш бўйича қўлланма ишлаб чиқилди

Академия ходимлари томонидан тизимли равишда прокуратура органлари ходимларининг билим ва касбий кўникмаларини ривожлантиришга қаратилган махсус адабиётлар тайёрлаб келинади. Масофавий таълимни ривожлантириш масалалари долзарблигидан келиб чиққан ҳолда Электрон таълим бўлими катта прокурори А.Ибраймов томонидан масофавий ўқитишда тьюторлик фаолиятини ташкил этиш бўйича ўқув-услубий қўлланма тайёрланди.

Мазкур қўлланмада тьюторлик фаолиятининг ривожланиш тенденциялари, анъанавий ўқитиш жараёнида ўқитувчилик фаолияти билан масофавий ўқитишда тьюторлик фаолиятини ўзаро қиёслаш орқали таҳлилий маълумотлар берилган ҳамда масофавий ўқитиш жараёнида тьюторлик фаолиятини ташкил этишнинг асосий босқичлари, турлари тамойиллари, моделлари, функциялари ёритилган.

Қўлланма, шубҳасиз, прокуратура органлари ходимларининг малакасини ошириш масофавий курсларида тьюторлар фаолиятини самарали ташкил этишга хизмат қилади.